Үйлдвэрлээд 10-аас дээш жил болсон машинд хотын дугаар олгохгүй

Үйлдвэрлээд 10-аас дээш жил болсон машинд хотын дугаар олгохгүй байх шийдвэр ирэх зургадугаар сарын 1-ээс хэрэгжинэ.

Гэхдээ 10-аас дээш жилийн насжилттай тээврийн хэрэгслийг Монгол Улсад импортлохыг хориглоогүй. Үүнээс гадна ирэх сарын 1-ээс импортоор орж ирж байгаа тээврийн хэрэгсэл нь ашиглагдаж байгаа орноос экспортлогдохын өмнөх техникийн хяналтын үзлэгт орсон байх ёстой гэсэн шалгуур хэрэгжиж эхлэх юм. Өөрөөр хэлбэл, импортлох гэж байгаа тээврийн хэрэгсэл нь техникийн хяналтын бүрэн байдалд хамрагдсан дүгнэлттэй байх гэсэн шаардлага тавигдана.