Узбекистан улсын нийслэл Ташкент хотод холимог тулааны залуучууд, насанд хүрэгчдийн дэлхийн аварга шалгаруулах тэмцээн энэ сарын 5-10-нд болж байна.
Тус тэмцээнд 85 орны 900 гаруй тамирчин өрсөлдөж байгаа ба залуучуудын эмэгтэйчүүдийн 61.2 кг-ын жинд Монгол Улсын тамирчин, Азийн АШТ-ий хүрэл медальт Б.Алтанчимэг орж байгаа билээ. Тэрээр Узбекистаны тамирчин Покиза Баксриеваг ялснаар хүрэл медалийн болзол хангаад байна. Б.Алтанчимэг өнөөдөр мөнгөн медалийн төлөө Словак улсын тамирчин Европын аварга Эва Эрделиоватай тулалдана.
Ингэснээр Б.Алтанчимэг холимог тулааны ДАШТ-ээс медаль хүртсэн анхны монгол тамирчин болж байна. Түүний хувьд дөрвөн сарын өмнө холимог тулааны Азийн аварга шалгаруулах тэмцээнээс хүрэл медаль хүртсэн билээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй