Үндэсний их баяр наадмын Бөхийн салбар хороо өчигдөр хуралдаж Улсын
арслан М.Бадарчийн барилдах эрхийг 4 жилээр хасах санал
гаргажээ. Улмаар баяр наадмыг зохион байгуулах хороонд уг саналаа
хүргүүлжээ.
Үндэсний баяр наадмыг зохион байгуулах хороо хуралдаж, допинг
хэрэглэсэн нь тогтоогдсон тул М.Бадарчийн барилдах эрхийг 4 жилээр хасаж, түүнд
цолны даваанд унасан бөхчүүдэд цолыг нь нөхөн олгох шийдвэр гаргасан байна.
М.Бадарч хэдий өөрөө үгүйсгэж байгаа ч түүний сорьцоос метенолон гэх бүх цаг үед хориотой допингийн төрлийн бодис илэрсэн юм.
Ингэснээр тавын даваанд түүнд өвдөг шороодсон Аймгийн арслан Б.Баянмөнх улсын начин, зургаагийн даваанд өвдөг шороодсон улсын начин Э.Даш улсын харцага, долоогийн даваанд унасан аймгийн арслан С.Сүхбат улсын заан, наймын даваанд унасан улсын аварга О.Хангай чимэг нэмнэ. Харин есийн даваанд унасан Улсын гарьд Ц.Бямба-Отгон улсын арслан болох юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй