Хан-Уул дүүргийн 18 дугаар сургуулийн зургадугаар ангийн 21 сурагч толгой эргэж, бөөлжиж, суулгасан гэх шинж тэмдэгтэйгээр эмнэлэгт хандаад байгаа. Сурагчид “Монгол бизнес” дээд сургуулийн байранд хичээллэж байсан ба юунаас хордсоныг тодруулахаар холбогдох байгууллагууд ажиллаж байна.
Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө цахим хуудсаараа дамжуулан “Эхний ээлжид яаралтай арга хэмжээ авч сургуулийг түр хаагаад байна. Хордлого юунаас үүдэн гарсан талаар мэргэжлийн байгууллагууд л тодорхойлох тул газ гэх мэтээр таамаг дэвшүүлэхгүй байхыг хүсье. Дүгнэлт гартал цахимаар хичээллүүлэхээр болсон байгаа” хэмээжээ.
Хордлого илэрсэн гэх тухайн ангийг цагдаагийн байгууллага битүүмжлэн шинжилгээ хийж байгаа юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй