Монгол Улсын сайд, Улаанбаатар хотын авто замын түгжрэлийг бууруулах үндэсний хорооны дарга Ж.Сүхбаатар сэтгүүлчдийн сонирхсон асуултад хариуллаа.
Автомашины улсын дугаараар хөдөлгөөнд хязгаартай оролцуулж байгааг үргэлжлүүлэх эсэхийг тодруулахад тэрбээр “Тээврийн хэрэгслийг улсын дугаарын тэгш, сондгойгоор нь хөдөлгөөнд оролцуулах шийдвэрийг миний хувьд үргэлжлүүлэхгүй гэсэн байр суурьтай байгаа. Хэдийгээр 10 хүнээс асуухад зургаа нь үргэлжлүүлэхийг дэмжиж байгаа ч удаан хугацаанд үргэлжлүүлэх боломжгүй. Хоёр дугаартай хүмүүс хөдөлгөөнд оролцож байгаа нь үнэн.
Нийтийн тээврийн парк шинэчлэлийн ажил ид явагдаж байна. Ирэх долоо хоногт 100 автобус шинээр орж ирнэ. Түүний дараа 150 автобус ирнэ.
Зам, гүүрийн дэд бүтцийн ажил урьд өмнө хийгдэж байгаагүйгээр хийгдэж байгаа. Ойрын хэд хоногт Зайсангийн гүүр ашиглалтад орно. Арваннэгдүгээр сард Туулын гүүр ашиглалтад орно” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй