Залуухан хос шинэ байшинд нүүж оров…
Өглөөний цайгаа ууж суухдаа бүсгүй хөрш нь угаасан хувцсаа өлгөж байхыг харав.
“Энэ эмэгтэй юмаа сайн угааж мэддэггүй бололтой. Цэвэрхэн биш харагдаж байна. Магадгүй угаалгын өөр нунтаг ашиглах хэрэгтэй юм шиг байна даа” гэж эхнэрийгээ хэлэхэд нөхөр нь хальт хараад юм хэлсэнгүй.
Хөрш нь угаасан хувцсаа өлгөх бүрт бүсгүй нөгөө л хэлдэг үгсээ хэлдэг байв. Сарын дараа нэгэн өглөө цэв цэвэрхэн хувцас хэцэнд өлгөсөн байхыг хараад бүсгүй нөхөртөө хандан
“Хараач, хайраа. Нөгөө хүүхэн чинь ашгүй юмаа угааж сурчээ. Хэн түүнд зааж өгсөн юм бол?” гэж уулга алдлаа.
“Хайраа, би өглөө эрт босоод цонхоо угаачихсан юмаа” гэж нөхөр нь хариулав.
Амьдрал дээр ч ялгаагүй. Бусдаас юу олж харах нь бидний цонхны тунгалагаас хамаарна.
Бусдыг шүүх гэж бүү яар, ялангуяа амьдралыг харах өнцөг чинь уур хилэн, атаархал, өс хонзон эсвэл биелэгдээгүй мөрөөдлөөр манантсан байвал.
Бусдыг шүүх нь тэднийг бус харин биднийг тодорхойлдог.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй