БСШУС-ын сайд Ё.Баатарбилэг “Хөл хориог үргэлжлүүлэх эсэх дээр яам дангаараа санал гаргахгүй. Эрүүл мэндийн болон холбогдох мэргэжлийн байгууллагаас ирүүлсэн саналыг үндэслэж УОК-т санал оруулна” гэж мэдэгдсэн.
Тэгвэл Эрүүл мэндийн яам сургууль, цэцэрлэгийн үйл ажиллагааг зогсоосон хугацааг дөрөвдүгээр cарын 30-ыг хүртэл сунгах нь зүйтэй гэсэн байр суурьтай байгаа аж. “Сургууль, цэцэрлэгийн карантиныг сунгах нь зүйтэй гэж үзэж байна. Гадаад улс орнууд хорио цээрээ чангалж, манай улсад коронавирүс зөөвөрлөгдөн орж ирсэн үед хорио цээрийн дэглэмийг үргэлжлүүлэх нь халдвар тархахаас урьдчилан сэргийлнэ” гэжээ.
Уг асуудлыг баасан гарагт болох УОК-ын хуралдаанаар эцэслэн шийдвэрлэнэ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй