Кыргызстаны Бишкек хотод болж буй Каба Уулу Кожомкул болон Раатбек Санатбаевын нэрэмжит дэлхийн чансааны оноо олгох тэмцээн үргэлжилж байна.
Тэмцээний 53 кг-ын жинд эмэгтэй тамирчид иж бүрэн медаль хүртэж шагналын тавцанд зэрэгцлээ. Тодруулбал, “Белград-2022” ДАШТ-ий мөнгөн медальт ОУХМ Б.Хулан алт, “Улаанбаатар-2023” Азийн АШТ-ий мөнгөн медальт ОУХМ Г.Отгонжаргал мөнгө, олимп, ДАШТ-ий хүрэл медальт гавьяат тамирчин Б.Болортуяа хүрэл медалиар энгэрээ мялаав.
53 кг-ын жинд 13 бөх барилдсан бөгөөд финалд шалгарсан Б.Хулан 8:0-ээр ялсан бол Б.Болортуяа хүрлийн төлөөх барилдаанд БНХАУ-ын Жян Мей-инийг цэвэр ялсан талаар Биеийн тамир спортын улсын хорооноос мэдээллээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй