БНХАУ-ын хүн ам 1961 оноос хойш анх удаагаа буурсан үзүүлэлттэй гарчээ. Тодруулбал 2021 оны сүүлээр 1.41260 тэрбумтай байсан Хятадын хүн ам 2022 оны эцсээр 1.41175 тэрбум болж 850 мянгаар буурсан болохыг Үндэсний статистикийн товчооноос нь танилцуулжээ.
Өнгөрөгч 2022 онд урд хөршид 9.56 сая төрөлт, 10.41 сая нас баралт бүртгэгджээ.
2021 онд Хятадын хүн ам түүхэндээ байгаагүй хамгийн бага өсөлттэй буюу өмнөх оныхоосоо 480.000 өссөн үзүүлэлттэй гарч байжээ.
Эх газрын Хятадад 2021 онд төрөлт 13 хувиар буурч 10.62 сая хүүхэд шинээр мэндэлсэн байна.
Ийнхүү Хятадад сүүлийн 60 жилийн хугацаанд анх удаагаа хүн амын тоо нь буурсан нь цаашид удаан хугацаанд үргэлжлэх хүн амын бууралтын эхлэл болох магадлалтай гэж мэргэжилтнүүд таамаглаж байна.
Хөгшрөлтөөс үүдэлтэй хүн ам зүйн хямралыг даван туулахын тулд БНХАУ “Нэг өрх-Нэг хүүхэд” бодлогоо цуцалж 2–3 хүүхэдтэй болохыг зөвшөөрч улсаас тэтгэмж, урамшуулал олгож байгаа ч тус улсад төрөлт нэмэгдэхгүй байгаа аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй