2022 оны 10 дугаар сарын 17-ны өдөр Завхан аймгаас Баян-Өлгий аймаг дахь зэвсэгт хүчний 340 дүгээр анги руу цэрэг тээвэрлэж явсан автомашины зүүн урд дугуйнд гэмтэл гарч замын хажуу руу орж осолджээ.
Тус осол Завхан аймгийн Ургамал сумын нутаг дэвсгэрт 19 цагийн үед гарсан байна. Нийт 39 шинэ цэрэг тээвэрлэж явсан ба ослын улмаас 2 цэрэг гэмтэж толгойдоо оёдол тавиулсан тухай Завхан аймгийн AIR1 телевиз мэдээлжээ.
Гэсэн ч энэ мэдээллийн дор иргэд “Худлаа мэдээлэл өгсөн байна. Дүүгийн маань далны яс бяцарсан. Хэдий болтол цэргүүдийг ачааны машинаар зөөх вэ, хэддүгээр зуунд амьдарч байгаа билээ. Хариуцлагагүй байна” зэрэг сэтгэгдлүүд бичсэн байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй