Монгол Улсын гавьяат тамирчин, Хөдөлмөрийн баатар, жүдо бөхийн Олимпийн хүрэл медальт, дэлхийн аварга (алт, мөнгө, хошой хүрэл) Мөнхбатын Уранцэцэг жүдогийн дэвжээнээс “зодог тайлсан” ч холимог тулааны төрөлд хүч үзэхээр бэлтгэл сургуулилтаа АНУ-ын Нью Мексико мужийн Альбукерке хотноо байрладаг “Jackson Wick MMA Academy”-д хийж байгаа билээ.
Тэгвэл Урнаа өнөөдөр /өчигдөр/ PFC ( Peak fighting championship) холбооны strawweight буюу 48-52 кг-ийн жинд amateur championship цол, бүсийн төлөө холимог тулааны туршлагатай тамирчин, Fury fighting championship холбооны atomweight буюу 48 кг хүртэлх жингийн аварга болж байсан АНУ-ын тамирчин Амбер Терреллтэй PFC 23 тулааны үдэш Арканзас мужийн Жонсборо хотын Embassy suites зочид буудлын Red wolf convention center-т холимог тулааны октагонд анхны тулаанаа хийж, өрсөлдөгчөө хоёрдугаар раундад гарт нь өчих мэхээр цэвэр яллаа.
Жүдогийн татамид олон жил монголчуудаа огшоосон Урнаа маань октагон дэвжээн дээр ч олон олон тулаан хийж, мэргэжлийн том холбооны аварга болох гараагаа ийн амжилттай эхэллээ.
Ц.Энхтүвшин Таван цагариг сонин Гэрэл зургийг ОУХМ М. Энхцэцэг (Энх М.)
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй