“Covid-19”-ийн халдвар авсан нь батлагдсан Франц улсын иргэнтэй нэг онгоцонд зэрэгцэн сууж ирсэн Англи улсын иргэнийг Увс аймагт тусгаарлажээ. Тухайн иргэн “Аэро монголиа” авиа компанийн онгоцоор Увс аймагт гуравдугаар сарын 5-нд ирсэн гэдгийг тус аймгийн Засаг даргын Тамгын газраас мэдээлжээ. 67 настай, эрэгтэй, Английн иргэншилтэй түүнийг нэгдүгээр хавьтал гэж үзэн, одоогоор Бөхмөрөн сумын Хотгорын уурхайн ойролцоо тусгаарлаад байгаа аж. Иргэнээс авсан шинжилгээг өнөөдөр Улаанбаатар хот руу явуулна.
Дээрх иргэн Улаангомд “Ундармал улаан сарнай” ресторанд хоол идэж, “Хишигт 1, 2” дэлгүүрээр үйлчлүүлсэн гэнэ. Одоогоор Увс аймгийн онцгой комисс хуралдаж байна.
Дэлхийн хэмжээнд эл өвчний халдвар 115 оронд бүртгэгдээд байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй