“Монгол азаргыг унтуулж байгаад сэлдийг нь тайрч бизнес хийж байна”

Монголын морин спорт уяачдын холбоо, Монгол адууны нийгэмлэг хамтран ХХААХҮЯ-нд Монгол азаргыг зэрэмдэглэж буй бизнесийг таслан зогсоох шаардлагыг хүргүүллээ.

Тус холбоо, нийгэмлэгийн төлөөлөгчид “Эрлийз адууг импортоор оруулж ирж монгол гүүтэй хээлтүүлдэг гэж ойлгодог байсан бол үгүй. Монгол азаргыг унтуулж байгаад сэлдийг нь тайраад авч байна. Ингэж үржүүлгийн бизнес хийж, адууг эрэмдэглэж байна.

Бид ХХААХҮЯ-нд энэ үйлдлийг таслан зогсоох шаардлага хүргүүлж байна. Шаардлагад хариу өгөхгүй бол дэлхийн амьтны эрхийг хамгаалах байгууллагуудад хандана” хэмээн ярилаа.

Хэрэв “Монгол Улс азарганы сэлдийг тайрч, бизнес хийж байна” гэж сонсвол дэлхийн шившиг болно” гэв.