Өнгөрсөн 24 цагийн хугацаанд БНХАУ-ын 31 мужид 1275 тохиолдол батлагдаж, шинж тэмдэггүй халдвар авагч 4996 бүртгэгдсэн байна. Шанхай хотод 50+3450 /батлагдсан тохиолдол+шинж тэмдэггүй ч халдвар авагч/ тохиолдол бүртгэгджээ.
Иймээс өнөөдрөөс буюу 03 сарын 28-ны 05:00 цагаас эхлэн Шанхай хотод хэсэгчилсэн хөл хорио тогтоож, хөл хорио тогтоосон бүсийн иргэдээ PCR шинжилгээнд хамруулах ажлыг зохион байгуулж байна. Энэ хэсэгчилсэн хөл хорио 04 дүгээр сарын 05-ны өдрийн 03:00 цаг хүртэл үргэлжлэх аж.
Хөл хорио тогтоосон хэсгийн иргэдийг харьяа хорооноосоо гарахгүй байхыг зөвлөсөн байна. Мөн тухайн хэсгийн автобус, метро, такси зэрэг нийтийн тээврийг бүхэлд нь зогсоожээ. Зөвхөн хүргэлтийн үйлчилгээ авах боломжтой аж. Хотхон, дүүргүүд дэх хүнсний дэлгүүрүүд цагийн хуваарийн дагуу ажиллаж байгаа ба Шанхайн иргэд хүнс, ахуйн хэрэгцээт зүйлээ интернэтээр урьдчилан захиалсан цагийн дагуу очиж авч байна.
Эх сурвалж: China news network
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй