Засгийн газрын өнөөдрийн хуралдаанаар Сэлэнгэ аймгийн Сайхан сумын нутагт орших Хөтөл цемент шохой үйлдвэрийг төрийн өмчид буцаан авах тухай хэлэлцлээ. Ингээд хуралдаанаар төрд буцаан авах асуудлыг дэмжиж Засгийн газрын тогтоол гаргалаа.
Энэ талаар өмнө нь Шадар сайд С.Амарсайхан УИХ-ын Хууль зүйн байнгын хорооны хурал дээр байр сууриа илэрхийлж байсан билээ.
Тэрээр “Хөтөлийн цемент шохойн үйлдвэрийг 1.3 тэрбум төгрөгөөр хувьчилж авсан этгээдүүд Хөгжлийн банкнаас 300 орчим тэрбум төгрөгийн хүүгүй, барьцаагүй зээл авсан ч өнөөдрийг хүртэл нэг төгрөг төлөөгүй байна. Дээрээс нь татвар, нийгмийн даатгалын 20-иод тэрбум төгрөгийн өртэй. Хөтөлийн цемент шохойн үйлдвэр бол улсын аж үйлдвэрийн ууган голомтуудын нэг” гэж байсан юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй