“Фантастик” продакшны бүтээл, телевизийн олон ангит “37-р Точка” уран сайхны кино үзэгчдийн хүртээл болоод багагүй хугацаа өнгөрч байна. Тус киноны нэгдүгээр бүлэг албан ёсоор дуусаж, хоёрдугаар бүлэг хэзээ эхлэх, ямар үйл явдал өрнөх бол гэсэн хүлээлт үзэгчдийн дунд бий болов. “37-р Точка” телевизийн цуврал киноны хоёрдугаар бүлэг 2020 онд үзэгчдийн хүртээл болох аж. Кино багийнхны шилдэг санаа байв уу, овжин нэгнийх нь бизнес байв уу “37-р Точка”-ийн дүрүүдийг хөзрөнд буулгажээ. Тодруулбал, ноён, хатан, боол, тамга гэсэн дөрвөн төрлийн 16 хөзөрт киноны гол дүрийн Лутаа, Тогосоо тэргүүтэй баатруудын зургийг дүрсэлжээ. Харин нэгдүгээр хүн буюу улаан жокер дээр гавьяат жүжигчин Н.Золбоот, хоёрдугаар хүн буюу хар жокер дээр гавьяат жүжигчин Ц.Төмөрхуягийн дүрийг буулгасан байна. Тоглоомын дүрмээр гавьяат Золбоот бүгдийг нь “дарах“ нь.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй