УИХ-ын намрын чуулганы отгон хуралдаанаар “Иргэдийн Төлөөлөгчдийн Хурлын Зөвлөлийн ажиллах журам батлах тухай” Улсын Их Хурлын тогтоолын төслийг эцэслэн баталсан. Мөн шүүхийн ерөнхий зөвлөл болон Шүүхийн сахилгын хорооны шүүгч бус гишүүдийн цалингийн асуудлыг хэлэлцэж, батлав.
“Тогтоолын хавсралтад нэмэлт, өөрчлөлт оруулах тухай” болон “Цалин, нэмэгдлийн хэмжээ тогтоох тухай” Улсын Их Хурлын тогтоолын төслүүдэд Шүүхийн ерөнхий зөвлөл болон Шүүхийн сахилгын хорооны даргын цалинг 3.2 сая төгрөг, шүүгч бус гишүүдийн цалинг 3 сая төгрөг байхаар тусгасан байна.
Ийнхүү гишүүдийн олонхын саналаар Шүүхийн ерөнхий зөвлөл болон Шүүхийн сахилгын хорооны дарга 3.2 сая, гишүүд нь 3 сая төгрөгийн цалинтай байхыг дэмжлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй