Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай тогтоолын төслийг өнгөрсөн долоо хоногт УИХ-аар хэлэлцэж, эцсийн найруулгад бэлтгүүлэхээр байнгын хороонд шилжүүлсэн билээ.
Уг тогтоолын төсөлд зургаагаас дээш хүүхэдтэй айлын байрны урьдчилгааг төрөөс даах заалт орсон талаар зарим хэвлэл мэдээллийн хэрэгсэл мэдээлсэн.
Гэхдээ уг тогтоолд зургаан хүүхэдтэй айлын байрны урьдчилгааг төрөөс даана гэсэн заалт ороогүй аж.
Харин хүүхдийн тооноос хамаарч гэр бүлд дэмжлэг үзүүлэх гэдэг утгатай заалт оруулсан хэмээн төсөл санаачлагч, УИХ-ын гишүүн Ж.Чинбүрэн хэлэв.
Уг тогтоолын төслийг Г.Тэмүүлэн, Ж.Бат-Эрдэнэ, Ж.Мөнхбат, Ж.Чинбүрэн нарын гишүүд өргөн барьсан бөгөөд долоон зүйл заалттай юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй