Хөдөлмөрийн баатар малчин нэгээр нэмэгдэв.
Уламжлалт мал аж ахуйг хөгжүүлэхийн зэрэгцээ уламжлалт ахуй соёлоо хамгаалахад, хойч үедээ өвлүүлэн үлдээх хүндтэй үйлсэд өөрийн амьдралын 46 жилийг зориулсан Архангай аймгийн Ихтамир сумын малчин, академич Ц.Доржсүрэнд Монгол Улсын Хөдөлмөрийн баатар цол олголоо.
Өндөр уулсын бүсэд сарлаг, үхрийг өсгөн үржүүлж, ашиг шимийг нь дээшлүүлж, олон айл өрхийг малжуулахад дэмжлэг үзүүлж, залуу малчдыг дагуулан суралцуулж байгаа түүний МАА-н салбарт оруулж буй бодит хувь нэмрийг нь үнэлэн ийнхүү шагналаа.
Тэрээр “16-тайгаасаа мал дээр гарсан, 52 жил мал маллаж байна. 2005 онд Улсын сайн малчин болж 2012 онд 1000 сарлагийн баяр хийсэн. Архангайчууддаа баярлалаа гэж хэлмээр байна. Залуу малчдадаа хандан миний амжилтаас илүү амжилт гаргаарай гэж хэлмээр байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй