Хөвсгөл аймгийн Түнэл сумын Навчилтай багийн “Шолын-Ам” гэдэг газарт Иргэн Ц-ийн 200 үхэр Эгийн голын усанд боогджээ.
Энэ дуудлагыг Онцгой байдлын байгууллага 12 сарын 20-ны өдрийн 10:40 цагт хүлээн авчээ. Тус аймгийн Онцгой байдлын газрын Эрэн хайх, аврах салбарын алба хаагчид 65 үхрийг гаргаж мөн өдрийн 20:03 цагт үзэгдэх орчин хязгаарлагдсан тул ажлыг түр зогсоосон байна.
Орон нутгийн 12 иргэн, зургаан мотоциклтой ажиллажээ. Өнөөдөр өглөө 07:00 цагаас аврах ажиллагааг дахин эхлүүлээд байгаа аж. Усанд боогдсон үхрүүдээс 20 нь хорогдсон байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй