Ү.ХҮРЭЛБААТАР: Барагдашгүй хүслийн заяа

2021-12-01 328 0

Соёлын гавьяат зүтгэлтэн, эрдэмтэн зохиолч, сэтгүүлч Ү.ХҮРЭЛБААТАР Монгол Улсын Гавьяат жүжигчин Б.Батзаяад зориулан нэгэн шлэг тэрлэжээ.

БАРАГДАШГҮЙ ХҮСЛИЙН ЗАЯА

Ай Батзаяа, Батзаяа

Айраг шиг исгэлэн монгол заяа

Ардын дууны шуранхай заяа

Ар халхын задгай заяа

Ардчилсан хувьсгалын жад заяа

Хөх монголын бэрх заяа

Хөх тэнгэрийн эрх заяа

Хөөрхөн сахиусын энхрий заяа

“Хөдөөгийн Баясгалан”-гийн мөнх заяа

Ээ Батзаяа, Батзаяа

Эрдэнэ шиг гялалзах монгол заяа

Эртний баатрын төрх заяа

Эвлүүлж наадах наадгай заяа

Элбэг дүүрэн намар заяа

Мандах нарны цацал заяа

Магад үнэнийн цацраг заяа

Маргашгүй авьяасын наран заяа

“Мартагдашгүй намар”-ын саран заяа

Өө Батзаяа, Батзаяа

Өглөөний нар шиг монгол заяа

Өөдлөн дэвжих гэрэл заяа

Өлгий утас шиг хээ заяа

Өөрөө харин хэнэггүй заяа

Хошин шогийн ховор заяа

Хоног хоногийн хос заяа

Барагдашгүй хүслийн эзэн заяа

Балжиннямын Батзанын Батзаяа

Бат, Бат, Бат гавъяат аа

Ү.ХҮРЭЛБААТАР 2021.12.01 03 цаг 30 минут

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

А.СОРМУН: “Маяа Анжэлоу”-г олон хүүхэд уншаасай

Нүдэндээ инээмсэглэл тодруулсан энэ бяцхан охиныг А.Сормун гэдэг. Ес дүгээр ангийн сурагч.  &n

2022-01-13

Баярхүүгийн Ичинхорлоо: Сэр сэр, амьдралд дөрлүүлсэн үхэр монгол

Сэр сэр, амьдралд дөрлүүлсэн үхэр монгол Сэр сэр, атаанд идүүлсэн өгөр монгол Сэр сэр, хиймо

2022-01-12

“Уухай” хамтлаг Монголын соёлын өвийг рок хөгжимтэй хослуулан дэлхийд гайхуулна

Хүн төрөлхтөнд хэдэн мянган жилээр гайхагдаж ирсэн Монголчуудын аугаа соёлын өв буюу монгол хөөмэй,

2022-01-10