Хүүхдийн ордны “Цэцэг” хамтлагаас уран бүтээлээ эхлүүлсэн авьяаслаг дуучин, ая зохиогч Л.Байзада хорвоогийн мөнх бусыг үзүүлжээ.
Түүний “Танилцъя охин минь”, “Нандин эрдэнэ”, “Миний нутгийн өглөө”, “Ондоо” зэрэг олон дуу зуун дамжин залуусын сонирхолд хөглөгдөн эгшиглэж байсан цаг бий.
Л.Байзадагийн зохиосон олон дуу Монголын эстрадын дуучдын урын санд орж, дуулагдаж ирснийг энд дурдах нь зүйтэй.
1988-1992 онд Багшийн сургуульд суралцаж төгссөн тэрээр 1972 оны аравдугаар сарын 26-нд эхээс мэндэлсэн билээ. Агуу жүжигчин Латифийн хоёр ч сайхан хүү тэнгэрт байгаа аавыгаа бараадахаар цувраад одлоо. Даанч харамсалтай. Авьяаслаг дуучин Л.Байзада бол хорь, хориннэгдүгээр зуун дамнасан Монголын эстрадын гэрэлт нэгэн од байсныг хэн ч үгүйсгэхгүй.
Эх нутгийнхаа элгэн хөрсөнд тайван нойрсоорой.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй