“Мисс Монголиа 2010” тэмцээний авьяаслаг мисс, “Манжуурын гоо бүсгүй” тэмцээний гуравдугаар байрын шагналт, Азийн топ модель, “Catwalk” хамтлагийн дуучин Түмэнжаргалын Туяамаа морины хорхойтон гэнэ. Багадаа эмээ өвөө дээрээ амарч, адуу малтай ойрхон өссөн мисс бүсгүй маань хэдэн жилийн дараа өөрийнхөө нэр дээр уралдуулах хурдан морьдтой болохоор төлөвлөсөн гэх юм билээ. Тэр ч бүү хэл мисс бүсгүй “Хурдан морь загвар өмсөгч хоёрт ижилхэн шинж чанар их бий. Жишээ нь гаднах байдлаасаа загвар өмсөгч өндөр, цээж богино, хөл урт бас тийм тарган байх хэрэггүй гэдэг шиг хурдны моринд ч гэсэн олон шалгуур байдаг юм билээ. Мөн уралдах гэж байгаа морийг сойж, амин дэм ихтэй тэжээлийг голчлон идүүлдэг бол загвар өмсөгчид тэмцээнд орох үер эрчимтэй бэлтгэлд орж хоолны дэглэм барьдаг. Тэгээд үргэлж тэмцээн уралдаанд сойж байдаг” хэмээн нэгэн сэтгүүлд ярилцлага өгч байсан удаатай.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй