АТГ: Д.Хаянхярваад авлига өгсөн хүн өөрөө хэргээ илчилсэн

2021-10-27 603 0

УИХ-ын гишүүн асан, “Эрдэнэс Монгол” ХХК-ийн гүйцэтгэх захирал Д.Хаянхярваагийн өрөөнд АТГ-аас хойшлуулшгүй ажиллагаа явуулж, түүний өрөөнөөс их хэмжээний бэлэн мөнгө олсон билээ. Улмаар аравдугаар сарын 21-ний өдрөөс эхлэн нэг сарын хугацаагаар цагдан хориод байгаа юм.

Тэгвэл АТГ-аас уг хэргийн асуудлаар тайлбар хийсэн бөгөөд Д.Хаянхярваад авлига өгсөн хүн өөрөө хэргээ илчилсэн гэдгийг мэдээллээ. 

АТГ-ын Мөрдөн шалгах хэлтсийн орлогч дарга, ахлах комиссар М.Даваатогтох “УИХ-ын гишүүн асан, “Эрдэнэс Монгол” компанийн гүйцэтгэх захирал Д.Хаянхярваагийн талаар 2021 оны наймдугаар сар болон аравдугаар сард авлигын шинжтэй мэдээллийг ирүүлсэн. Энэ мэдээлэлтэй нь холбогдуулж өөрийг нь шалгаж байгаа асуудал огт байхгүй ба Д.Хаянхярваагийн өрөөнд гүйцэтгэх ажиллагаа явуулаагүй. 

Энэ цаг хугацаанд хахууль өгөгч иргэнээс “Эрдэнэс Монгол” компанийн гүйцэтгэх захирал Д.Хаянхярваа нарт их хэмжээний ам.долларыг бэлнээр хахуульд өгсөн талаараа хэргээ илчилж ирсэн. Нэгэнт хахууль өгөгч гэмт хэргээ илчилж ирсэн тохиолдолд АТГ-ын Мөрдөн шалгах хэлтэс хуулиар хүлээсэн үүргийнхээ дагуу мөрдөн шалгах ажиллагааг шуурхай явуулсан. Мөрдөн шалгах ажиллагааны үр дүнд нэр дурдагдаж байгаа этгээдийн тодорхой объектод прокурорын зөвшөөрөлтэй нэгжлэгийн ажиллагаа явуулсан” гэлээ. 

Д.Хаянхярваа Монгол Улсын Ерөнхий прокурор Б.Жаргалсайханд хандан хүсэлт гаргаад байгаа билээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Жижиг намуудын жагсаалт босго давбал хамгийн түрүүнд УИХ-д орж ирэх хүмүүс

Улсын дээд шүүхэд 37 нам бүртгэлтэй байна. Бүгдээрээ 2024 оны УИХ-ын сонгуульд оролцох эрхтэй. Одоог

2024-02-28

“Лайвчин” Д.Мөнх-Эрдэнэд Гэр хорооллын хөгжлийн намын дарга болгох санал тавьжээ

Гэр хорооллын хөгжлийн намын дарга Б.Батсүх лайв хийх үеэрээ "Лайвчин" Д.Мөнх-Эрдэнийг намынхаа дарг

2024-02-28

Х.Нямбаатар: Сургууль, цэцэрлэгүүдийн газрыг бусдад олгосон мэдээллүүдийг нэгтгэсэн

НИТХ-ын ээлжит бус XVII хуралдаан үргэлжилж байна. Хуралдааны үеэр НИТХ-ын төлөөлөгчид газар олголт

2024-02-23