ЦЕГ: МУГЖ С.Жавхлан руу мэдүүлэг авахаар албаны утсаар 11 удаа залгахад утсаа аваагүй

2021-10-22 335 0

ЦЕГ-аас МУГЖ С.Жавхлан мэдүүлэг өгсөн эсэх асуудлаар мэдээлэл өглөө. 

ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү “Энэ оны аравдугаар сарын 19-ний өдөр иргэн О.Отгонтөгс хэвлэлийн бага хурал хийж, МУГЖ С.Жавхлан “Хамаг Монгол” төслийг хэрэгжүүлнэ хэмээн Сангийн сайдаас дөрвөн тэрбум төгрөг шаардсан гэх гэмт хэргийн шинжтэй мэдээлэл дэлгэсэн. Улмаар аравдугаар сарын 20-ны өдөр иргэн О.Отгонтөгс цагдаагийн байгууллагад гомдол гаргасан.

Уг хэргийн дагуу Эрүүгийн цагдаагийн албанаас Сангийн сайд Б.Жавхлангаас мэдүүлэг авсан. Мөн МУГЖ С.Жавхлан руу мэдүүлэг авахаар албаны утсаар 11 удаа залгахад утсаа аваагүй. Тиймээс бид аравдугаар сарын 20-нд мөрдөгчийн дуудах хуудсыг илгээхэд хүлээж аваагүй.

Өнөөдөр прокурорын дуудах хуудсыг хүргүүллээ. Хүлээж аваагүй байна. Тийм учир шүүхийн захирамжаар албадан ирүүлэх арга хэмжээг авна. Мөн сэтгүүлч ажил үүргээ гүйцэтгэж явж байхдаа халдлагад өртсөн гэсэн асуудлаар Сүхбаатар дүүргийн Цагдаагийн газарт гомдол гаргасан. Гомдлыг хүлээн авч зөрчлийн хэрэг нээж, шалгалтын ажил явуулж байгаа” гэлээ. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

А.Уламсайхан хүү малчны хотноос гадаадад суралцах тэтгэлгийн эзнээр тодорлоо

Монгол Улсын Ерөнхийлөгчийн нэрэмжит тэтгэлэг эзэддээ хүрч эхэлжээ. Тухайн жилийн элсэлтийн ер

2021-12-01

“Мобиком” ХХК “том толгойлсон”-оос болж Баянхонгор аймаг 12 минутын турш цахилгаангүй болжээ

“Мобиком” ХХК “том толгой” гаргаснаас болж бүхэл бүтэн аймаг 12 минутын турш цахилгаан эрчим хүчгүй

2021-11-29

ЗТХЯ: Төмөр замын тээврийг зогсоосонтой холбогдуулан боомтын зөвлөл хуралдана

Хятадын тал Эрээний боомтын төмөр замын тээврийг тодорхойгүй хугацаагаар зогсоох шийдвэр гарсан тал

2021-11-29