Нийслэлийн Засаг даргын Хөгжлийн бодлогын асуудал хариуцсан нэгдүгээр орлогч Р.Чингисийг үүрэгт ажлаас нь чөлөөллөө. Р.Чингис нь энэ оны хоёрдугаар сард тус албан тушаалд томилогдсон юм.
Хан-Уул дүүргийн 11 дүгээр хорооны “Зайсан Хилл” цогцолборт энэ сарын 15-нд “Камертон” хамтлагийн тоглолт болсон. Тоглолтын үеэр заалны дүүргэлтийг 50 хувиас хэтрүүлж, халдвар хамгааллын дэглэм зөрчсөн асуудал гарсан. Үүнтэй холбогдуулан холбогдох албан тушаалтнуудад хариуцлага тооцох тухай сануулгыг Ерөнхий сайд өгсөн.
Тэр үед л Р.Чингисийг чөлөөлж, цаад дарга нар нь үлдэх тухай яригдаж байв. Яг л энэ зураглал биелж, Р.Чингис ийнхүү ажлаас чөлөөлөгдлөө.
Р.Чингис нь 1989 онд ОХУ-ын Дотоод явдлын яамны академи төгссөн бөгөөд Эрүүгийн цагдаагийн газарт эрүүгийн төлөөлөгч, ахлах төлөөлөгч, Эдийн засгийн гэмт хэрэгтэй тэмцэх хэлтсийн даргаар ажиллаж байсан. 2012 онд ЦЕГ-ын дэд дарга, 2014-2016 онд ЦЕГ-ын даргаар ажиллаж байсан нэгэн билээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй