“Squid Game”-ийг 111 сая хэрэглэгч үзэж, Нэтфликс компанийн түүхэнд шинэ дээд амжилт тогтоожээ

2021-10-13 935 0

Өмнөд Солонгосын “Squid Game” цуврал Нэтфликс компанийн түүхэнд хамгийн өндөр эрэлттэй контент болж бичигдсэнийг тус компанийн төлөөлөгч мэдэгджээ.

Есдүгээр сарын 17-нд нээлтээ хийсэн цувралыг өнгөрсөн хугацаанд Нэтфликсийн 111 сая хэрэглэгч үзсэн байна. Өмнөх дээд амжилтыг нээлтийн эхний 28 хоногт 82 сая үзэгчийг байлдан дагуулсан “Bridgerton” цуврал эзэмшиж байжээ.

“Squid Game”-ийн хувьд үүнээс богино хугацаанд илүү олон үзэгчтэй болж, өмнөх дээд амжилтыг эвдсэн байна.

Нэтфликс компани үзэлтийн тоог гаргахдаа тухайн контентыг 2 минутаас дээш хугацаагаар үзсэн тохиолдлуудыг тоолдог юм.

Үүнээс гадна Өмнөд Солонгосын цуврал дэлхийн 94 улсын Нэтфликсийн шилдэг 10 контентын жагсаалтын нэгдүгээрт бичигджээ. Мөн АНУ-ын топ жагсаалтын нэгдүгээрт бичигдсэн анхны Солонгос контент болсон байна.

Дэлгэцийн бүтээлүүдэд үнэлгээ өгдөг Rotten Tomatoes сайт “Squad Game” цувралд 91 хувийн оноо өгсөн нь маш сайн үзүүлэлт болжээ.

Видео стриминг үйлчилгээний Нэтфликс компани одоо 209 сая хэрэглэгчтэй бөгөөд үүний гуравны нэг орчим нь АНУ, Канадын зах зээлд байдаг. Компани цаашдаа дэлхийн хэмжээний тоглогч болохоор шаргуу ажиллаж байгаа.

“Squid Game”-ийн амжилт энэ зорилгод хүрэх боломжтойг харуулж байгааг Нэтфликсийн Солонгос, Зүүн Өмнөд Ази, Австрали, Шинэ Зеландын зах зээлийг хариуцсан дэд ерөнхийлөгч Ким Мин Юн ярьж байна.

“Бид анх 2015 онд Солонгосын уран бүтээлүүдэд хөрөнгө оруулахдаа K-контентын фэнүүдэд дэлхийн түвшний цувралууд хүргэх зорилт тавьж байсан. Өнөөдөр Squid Game бидний энэ мөрөөдлийг давуулан биелүүллээ. Дэлхий даяар зах зээлээ тэлэх манай стратеги зөв чиглэлд явааг Squid Game батлан харуулж байна” гэж тэр CNN сувагт ярьжээ.

Эх сурвалж: CNN

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Нэг унц буюу 31.1 грамм жинтэй “Хүрээ Майдар” дурсгалын мөнгөн зоосыг худалдаанд гаргажээ

Монгол Улсад орчин цагийн банкны тогтолцоо үүсэж, хөгжсөний 100 жилийн ойн босгон дээр Монголбанк, З

2024-02-22

Маршал Хорлоогийн Чойбалсан 39 размерын гутал өмсдөг байжээ

Хэдхэн хоногийн өмнө буюу 02 дугаар сарын 08-ны өдөр маршал Хорлоогийн Чойбалсаны мэндэлсэн өдөр тох

2024-02-21

НӨАТ: Өнөөдрийн тохирлоор нийт 43.261 азтан тодорчээ

Нэгдүгээр сарын сугалааны тохирол өнөөдөр боллоо. Тохиролд 2024 оны нэгдүгээр сарын 1-3

2024-02-21