“Нийслэлийн Налайх дүүргийн 6 дугаар хороонд нүхнээс хүний цогцос олдсон, гаргахад тусламж хэрэгтэй байна” гэсэн дуудлагыг тус дүүргийн цагдаагийн хэлтсээс энэ сарын 11-ний өдрийн 16:45 цагт Онцгой байдлын албанд ирүүлжээ.
Дуудлагын дагуу тус дүүргийн Эрэн хайх, аврах бүлгийн алба хаагчид очиж, 4 метрийн гүнтэй нүхэнд байсан цогцсыг гарган тус дүүргийн цагдаагийн хэлтэст хүлээлгэн өгсөн байна.
Нийслэлийн Налайх дүүргийн 6 дугаар хороо, “Тэнгэрийн энерги бясалгалын төв” орчмоос Хан-Уул дүүргийн харьяат, иргэн О 2020 оны Долдугаар сарын 31-ний өдөр сураггүй алга болсон. Дээрх дөрвөн метрийн гүнээс олдсон цогцос нь уг сураггүй болсон иргэнийх болохыг цагдаагийн байгууллагаас урьдчилсан байдлаар тогтоожээ.
Цагдаагийн ерөнхий газрын хэвлэл мэдээллийн төвөөс энэ талаар тодруулахад “Хэргийн газрын үзлэг дуусаагүй. Шалгалтын ажиллагаа үргэлжилж байна. Үүний дараа мэдээлэл өгөх боломжтой” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй