Монголын хамгийн олон буюу 36 нэртэй хүн

2021-10-10 327 0

Хэд ч үзсэн уйддаггүй, дүр бүхэн нь амьтай цөөхөн уран бүтээлийн нэг бол “Тунгалаг тамир”. Энэ хосгүй бүтээлийн нэг шигтгээ болсон Дулмаа буюу СТА Дэлгэржаргалыг дэлгэцийн сайхан хүүхнүүдийн тоонд зүй ёсоор оруулдаг ч тухайн үед киноны багийнхан түүнийг хачин ихээр голдог байсан гэдэг.

Нярайлаад удаагүй, нүүрээрээ дүүрэн сэвхтэй ноомойхон бүсгүйг Дулмаагийн дүрийг гаргаж чадна гэдэгт үл итгэх олны хандлага Дэлгэржаргал гуайг хурцалж дүрээ амилуулахад нь тусалсан, гагц тус киноны найруулагч л түүнийг “Гунигтай нүд”-ээр нь онцолж бусдаасаа тас зөрөн Дулмаад зүтгүүлсэн тухай тэрээр дурссан нь бий.

Чингэж дэлгэцэнд мөнхөрсөн Дэлгэржаргал гуайн хувийн амьдрал ч сонин содноор дүүрэн юм билээ. Наймын найман хүүхдээ хүн болгож чадаагүй эцэг эх нь түүнийг төрөхөд нутгийнхаа эрдэм чадалтай гэсэн лам нарт хандаж, сар болгон хүүхдийнхээ нэрийг төдийгүй бууриа сольж байхаар болсон гэдэг.

Жилийн дөрвөн улирал биш бүр сар бүр нүүдэл хийн, сар бүр өөр өөр нэрээр охиноо дуудсаар гурван жилийг ардаа орхисны эцэст Дэлгэржаргал гэх нэр дээр тогтсон түүхтэй гэнэ. Тэгэхээр СТА Дэлгэржаргал гуай 36 буюу Монголын хамгийн олон нэртэй хүнээр тодорч буй юм.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“ГООЖИНГИЙН ӨНДӨР”-ийг заазлах биш хамгаалах цаг болжээ

Монгол улсын нийслэл Улаанбаатар хотод түүхийн дурсгалт байшин барилга ховор. 1921 оноос өмнө байгу

2021-10-25

Д.Тэрбишдагвын ном Франкфуртын олон улсын үзэсгэлэн яармагт танилцуулагдлаа

ХБНГУ-н Франкфурт хотод жил бүр зохион байгуулагддаг олон улсын номын 73 дахь үзэсгэлэн яармаг 2021

2021-10-22

Гавьяат жүжигчин Э.Амартүвшин дэлхийн шилдэг Баритон дуучнаар шалгарлаа

Италийн Верона хотын Арена ди Верона амфитеатр, Finservice FZ сангаас Оны шилдэг дуурийн дуучдыг за

2021-10-19