Соёлын Гавьяат зүтгэлтэн, Шилдэг зохион бүтээгч З.Түмэн-Өлзийн үүсгэн байгуулсан “Оюун ухааны олон улсын музей” дэлхийн хамгийн олон шатартай музейгээр шалгарч, Гиннесийн номд бичигджээ. Өдгөө уг музейд З.Түмэн-Өлзий гуайн урласан 400 гаруй шатар хадгалагдаж байна.
З.Түмэн-Өлзий гуай сүүлийн 55 жилийн турш шатар Монголоос гаралтай гэдгийг батлахын тулд төрөл бүрээр нь урлаж, цуглуулсаар иржээ. Тиймээс монгол хүн дэлхийн хамгийн олон шатар бүтээж, дээд амжилтыг тогтоосон гэдгийг бүртгүүлэх хүсэлтийг 2019 онд Гиннесийн номд гаргажээ. Энэ цагаас хойш уг асуудлыг уйгагүй хөөцөлдөн, шатар бүрийн онцлогийг харуулсан зураг, дүрслэл, баримтат кино хийж бүх мэдээллийг цувруулан явуулжээ. Улмаар энэ оны наймдугаар сарын сүүлчээр З.Түмэн-Өлзий гуай Гиннесийн дээд амжилтыг албан ёсоор тогтоож чадсан тухай мэдээлсэн байна. Ийнхүү З.Түмэн-Өлзий 2019 оны дөрөвдүгээр сарын байдлаар нийт 438 төрлийн шатар урласнаараа дэлхийн хамгийн олон шатар бүтээж, цуглуулсан анхны хүнээр шалгарлаа.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй