Б.Сүхбаатар: ГЕГ он гарснаас хойш 776 зөрчил илрүүлж, 30 зөрчилд хэрэг бүртгэлтийн хэрэг нээсэн

2021-10-05 809 0

Гаалийн байгууллагаас оны эхний есөн сарын хугацаанд илрүүлсэн зөрчлийн талаар мэдээлэл хийлээ. Энэ үеэр Гаалийн зөрчилтэй тэмцэх хэрэг бүртгэлийн газрын дарга Б.Сүхбаатар “Гаалийн ерөнхий газар он гарснаас хойш 776 зөрчил илрүүлж, 30 зөрчилд хэрэг бүртгэл нээн ажиллаж байна. Ердийн үед жилд 2000 гаруй зөрчил илэрч 10 гаруй тэрбум төгрөгийн торгууль тавьдаг байсан. Энэ онд Covid-19-тэй холбоотойгоор хил, гаалиар нэвтрэх бараа, бүтээгдэхүүн, хүнээс хамааралтай илрэх зөрчил, үйлдэл буурсан.

Монгол Улсын иргэн Х улсын хилээр гарах чиглэлд 133 мянга 700 юань буюу 58.9 сая төгрөг хууль бусаар нэвтрүүлэхийг завдсан үйлдлийг илрүүлсэн. Мөн Монгол Улсын иргэн наймдугаар сарын 9-ний өдөр Өмнөд Африкаас 989.2 грамм буюу их хэмжээний мөс бодисыг улсын хилээр нэвтрүүлснийг цагдаагийн байгууллага шуурхай илрүүлэн шалгаж, торгууль ногдуулсан.

Дээрх гэмт хэрэгт Чингэлтэй дүүрэгт оршин суудаг Б, Баянзүрх дүүргийн иргэн Э нарыг холбогдуулан шалгасан. Тухайн хүн өмнө нь Хонконг улсад хар тамхи мансууруулах бодис зөөвөрлөсөн хэргээр 10 жилийн хорих ял эдлээд суллагдсан. Улмаар 2020 онд Монгол Улсад ирсэн ч ийнхүү дахин гэмт хэрэгт холбогдсон байна. Эдгээр зөрчил, хууль бус үйлдэлд зохих торгууль, шийтгэлийг оноосон.

Харин хилийн боомтуудтай холбоотой зөрчлийг хянан, шалгах ажил үргэлжилж байгаа. Гаалийн байгууллага цаашид зөрчлийг илрүүлэх, хяналтыг сайжруулах тал дээр илүү боловсронгуй болгох боломжтой” гэлээ.

Гаалийн байгууллагын хяналт шалгалтаар импортын бараа бүтээгдэхүүнтэй холбоотой зөрчил цөөнгүй гарчээ. Тодруулбал, БНСУ-аас 5.9 кг алт хилээр нэвтрүүлэх гэж байсан зөрчил гаргасан 18 этгээдийг шалгаж байгаа аж.  Мөн “Монголд үйлдвэрлэсэн” гэх тодотголтой “Hulan-21” гар утсыг хилээр импортолохдоо гар утасны сэлбэг, хэрэгсэл гэж худал мэдүүлсэн зөрчлийг илрүүлжээ.

Хэрэв зөрчил гаргасан иргэн торгуулиа төлбөл хураагдсан бараа бүтээгдэхүүнийг эргүүлэн олгохыг Гаалийн ерөнхий газраас мэдээлэв.  Тухайн зөрчил гаргасан этгээдийн торгууль өндөр, эрүүгийн хэрэг үүсгэх нөхцөлд цагдаагийн байгууллагаас шалгалтын ажиллагааг үргэлжлүүлдэг аж.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Энэ хичээлийн жилийн бүтцэд орсон өөрчлөлтүүд

Боловсролын сайд П.Наранбаяр анхны тушаалаараа хичээлийн шинэ жилийн бүтцийг баталсан байна. Нийслэл

2024-07-19

Наадмын өдрүүдэд зохион байгуулах арга хэмжээний нэгдсэн хөтөлбөр

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн манду

2024-07-07

Үндэсний их наадмаар барилдах бөхчүүдийн бүртгэл эхэллээ

Тулгар төрийн 2233, Их монгол улс байгуулагдсаны 818, Ардын хувьсгалын 103 жилийн ой, Үндэсний их ба

2024-07-07