10 настай монгол охин Зүүн Азийн шатрын аварга боллоо

2021-09-28 621 0

Энэ жилийн өсвөрийн шатарчдын Зүүн Азийн аварга шалгаруулах тэмцээн цар тахлын улмаас цахимаар зохион байгуулагджээ. 

Тэмцээнийг Тайландын Вант Улсын шатрын холбоо болон Азийн Шатрын Холбоо хамтран зохион байгуулсан бөгөөд манай улсаас нийт 76 өсвөрийн шатарчин оролцсон байна.

Рапид төрлөөр гурван өдрийн турш нийт есөн өрөг тоглосон тус тэмцээнд Зүүн Азийн 14 орны өсвөрийн шатарчид оюун ухаанаа уралдуулснаас 10 насны охидын ангилалд Дархан-Уул аймгийн Мягмарын Цэлмэг есөн өргөөс найман оноотой тэргүүн байр эзэлж, Зүүн Азийн Аварга боллоо. 

Мөн тус насны ангилалд Сүхбаатар аймгийн Энхмөнхийн Гэгээнээ хоёрдугаар байр эзэлж, мөнгөн медаль хүртжээ.

Харин 16 насны охидын ангилалд Дорнод аймгийн Хэрлэнзоригийн Урангоо гутгаар байр эзэлж, хүрэл медаль хүртсэн байна.

Тэмцээн нийт зургаан насны ангиллаар явагдсан бөгөөд

  • Найм хүртэлх насны охидын ангилалд “Элит Брэйн” олон улсын академийн Амармэндийн Энэрлэн 6 оноогоор 9-р байр,
  • 10 насны охидын ангилалд “Говьсүмбэр” аймгийн Мөнхпүрэвийн Маргад 6 оноогоор 9-р байр,
  • 14 насны охидын ангилалд “Гэгээн Арвай” клубын Батсайханы Энхсаран 6 оноогоор 7-р байр,
  • 18 насны охидын ангилалд “Гобичесс” клубын Энхсайханы Удвал 5 оноогоор 6-р байр тус тус эзэлж эхний 10 байрт шалгарсан байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Монголын хоккейчид анх удаа дэлхийн данстай тэмцээнд түрүүлж АВАРГА боллоо

Кувейт улсад шайбтай хоккейн дөрөвдүгээр дивизионы дэлхийн аварга шалгаруулах тэмцээн энэ сарын 16-1

2024-04-20

“Шар Гэгээ” уран сайхны кино “Мөнгөн мод” наадмын шилдэгээр тодорлоо

“Мөнгөн мод” соёл, урлагийн шилдгүүдийг тодруулах наадам энэ сарын 27-нд  Улсын дуурь бүжгийн эрдмий

2024-03-30

Э.ЦЭНДБААТАР Парисын олимпын эрхийн тэмцээний сорилд оролцоно

Монгол Улсын гавьяат тамирчин Э.Цэндбаатар Монголын боксын холбоонд энэ сарын 18-нд хүсэлт гаргасан.

2024-03-22