АН: Шаардлагыг биелүүлэхгүй бол ЗГ-ыг огцруулах тэмцлийг ирэх сарын 1-нд эхлүүлнэ, У.Хүрэлсүх уучлал гуй…

2021-09-23 428 0

УИХ дахь АН-ын бүлгээс УИХ, Ерөнхий сайд Л.Оюун-Эрдэнэ, Ерөнхийлөгч У.Хүрэлсүхэд шаардлага, хүсэлт хүргүүллээ.

Мөн АН-ын бүлгээс аравдугаар сарын 1-ний өдөр үүсээд буй нөхцөл байдлыг эсэргүүцэж төв талбайд эсэргүүцлийн жагсаал зохион байгуулна хэмээн мэдэгдлээ.

Ардчилсан намын бүлэг дараах шаардлагыг тавьж байна:

  • Шатахууны зах зээлийн үнэ, импортыг бүрэн чөлөөлөх
  • ОХУ, БНХАУ хоёр улсад байгаа Монгол Улсын элчин сайд нарыг эгүүлэн татах
  • Андлалын хөшөө, усан оргилуур гэх мэт хөрөнгө оруулалт нэрээр хийж буй луйврыг зогсоох
  • Удаа дараа ёс зүйгүй үйлдэл гаргасан албан тушаалтнуудад хариуцлага тооцох гэсэн шаардлагуудыг биелүүлэхгүй бол аравдугаар сарын 1-нд Засгийн газрыг огцруулах бүх нийтийн тэмцлийг зохион байгуулна гэв.

УИХ-ын гишүүн, АН-ын бүлгийн дарга Д.Ганбат ”Нэгдүгээрт, УИХ-ын чуулганыг яаралтай эхлүүлж, асуудлаа шийдвэрлэх хэрэгтэй байна. Цар тахал болон шатахууны хомсдол үүссэн энэ үед гадаад, дотоодод зугаалаад явж болохгүй. Ковидын хууль гэдгээрээ далимдуулж бүх эрх мэдлийг гартаа авсан ч нэг удаа олигтой хуралдаж, асуудлыг шийдсэнгүй.

Хоёрдугаарт, өнөөдрийн үүссэн нөхцөл байдалд хүргэсэн Засгийн газар хариуцлагаа хүлээхийг шаардаж байна.

Гуравдугаарт, Ерөнхийлөгч У.Хүрэлсүхэд гуравдугаар сарын 1-ээс хойш МАН-ын 100 жил, үүний дараа удаа дараа одон медаль тараах, Ерөнхийлөгчийн сонгууль, уул овоо тахих нэрийдлээр халдварыг нэмэгдэхэд нөлөөлсөн. Тиймээс Монголын ард түмнээс гарч ирж уучлалт гуй” гэлээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Улсын арслан Б.Орхонбаяр Цагааннуур сумын 100 жилийн ойн барилдаанд түрүүлжээ

Монгол Улсын арслан Б.Орхонбаяр Сэлэнгэ аймгийн Цагааннуур сумын түүхт 100 жилийн ойн наадмын бөхийн

2024-07-19

Өмнөговь, Дундговь, Говь-Алтай, Ховд аймгийн Засаг даргын үүрэг гүйцэтгэгчдийг томиллоо

Ерөнхий сайд захирамж гарган Ховд, Говь-Алтай, Өмнөговь, Дундговь аймгуудад засаг даргын албан үүрги

2024-07-19

Энэ хичээлийн жилийн бүтцэд орсон өөрчлөлтүүд

Боловсролын сайд П.Наранбаяр анхны тушаалаараа хичээлийн шинэ жилийн бүтцийг баталсан байна. Нийслэл

2024-07-19