УОК өчигдөр хуралдаж, улсын наадмыг бүтэн жилээр хойшуулах санал гаргасан. Засгийн газрын өнөөдрийн ээлжит бус хуралдаанаар эцэслэн шийднэ.
Тэгвэл уяачид улсын наадмыг хойшлуулахыг эсэргүүцэн өнөө өглөө Сүхбаатарын талбай дээр морьтой жагслаа.
Тэд “Уяачид бас хүн юм аа. Монголын дархлаа бол монгол наадам юм. Дайны жилүүдэд ч гэсэн наадмаа хийсээр ирсэн. Дэлхий даяар бүх уралдаан, тэмцээнээ явуулж байна. Наадам болохгүй бол аймаг, сум бүр эсэргүүцлийн хөдөлгөөн өрнүүлнэ.
Морин спорт уяачдын холбоо энд уриалж, дуудаагүй. Тэвчээр нь алдагдаж өөрсдөө цугларсан байна.
Уяачид бид эмх замбараагүй байдлыг бий болгохыг хүсэхгүй байна, долдугаар сарын 1-ийг давтахыг хүсэхгүй байна. Бидний хөдөлгөөнийг аливаа улс төрийн зорилгоор ашиглахгүй байхыг хүсэж байна” гэсэн юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй