Хүний эрхийн Үндэсний Комиссоос коронавируст халдварын нөхцөл байдалтай холбоотойгоор хурдан морь унаач хүүхдийн амь нас, эрүүл мэнд, дээд эрх ашиг, язгуур эрхийг хамгаалах зорилгоор энэ оны Үндэсний их баяр наадмын хурдан морины уралдааныг цуцлах, хойшлуулах саналыг гаргаж, Засгийн газарт хүргүүлжээ.
Хүүхдүүд олноор өртөж, өвчлөл өндөр байгааг харгалзан ийнхүү санал гаргасан байна.
- 2021 оны зургаадугаар сарын 11-нд Архангай аймгийн Хайрхан суманд өөрийн морийг хөлсөлж байсан 11 настай хүүхэд мориноос унаж, 50-100 метр газар чирэгдсэн,
- 2021 оны зургаадугаар сарын 13-нд Төв аймгийн Аргалант суманд 12 настай хүүхэд моринд чирэгдсэний улмаас гэмтэл авч, анхан шатны тусламж авч чадаагүйгээс нас барсан зэрэг харамсалтай тохиолдлуудыг албан бичигт дурджээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй