БШУ-ны сайд Л.Энх-Амгалан хичээл наймдугаар сарын 15-нд эхлэхгүй гэж мэдэгдлээ.
Тэрээр АСА станцын ярилцлагад орох үеэрээ “ЭЕШ өгөхөөр бүртгүүлсэн 40.420 хүүхдийн нэгийг нь ч шалгалтаас гадуур үлдээхгүй. Улсын хэмжээнд 48 шалгалт авах төв бэлдсэн. Эдгээр төвүүдэд халдваргүй хүүхдийг оруулах, халдвартай байж болзошгүй шинж тэмдэг илэрсэн хүүхдүүдийг тусгай өрөөнд шалгалт авах, эмнэлэгт байгаа хүүхдүүдэд зориулсан хэсэг гэж 3 хуваан шалгалт авна.
Коронавирус туссан, тусгаарлалтад байгаа хүүхдүүдээс ЭЕШ авна. Нийт шалгуулагчдаас 4000-6000 нь халдвар авбал эсвэл УОК-оос хөл хорио тогтоовол ЭЕШ-ыг хойшлуулна.
Танхимын сургалт хуулийнхаа дагуу есдүгээр сарын 1-нд эхэлнэ.
Есдүгээр сарын 1-нд хичээл эхлэхээс өөр сонголт байхгүй. Есдүгээр сарын 1 гэхэд хөл хорио тогтоочихсон байвал ганцаараа есдүгээр сарын 1-нд хичээлээ эхлүүлэх хуультай гээд байх хэцүү. Гэхдээ дэлхий дахинд халдварын тархалт өндөр ч манайх шиг хатуу хорьсон улс их цөөхөн” гэсэн юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй