100 сая төгрөгийн шагналын сантай тойргийн барилдаан зохион байгуулна

2021-06-15 600 0

Монголын үндэсний бөхийн холбооноос улсын их баяр наадам ойртож буйтай холбогдуулан 100 сая төгрөгийн шагналын сантай тойргийн барилдаан зохион байгуулах гэж байна.

“Үндэсний бөх-Үнэт өв” барилдаан нь зургадугаар сарын 18-25-ны өдрүүдэд Тэрэлжид байрлах “Ред Рок” амралтын газар зохион байгуулагдах аж.

Энэхүү 32 бөхийн барилдаанд аймаг бүрээс эрэмбэ өндөртэй нэг бөх оролцох боломжтой бөгөөд үлдсэн 11 бөхийг цолны эрэмбээр оролцуулах гэнэ. Цэц, засуул, бөхчүүд найман өдрийн турш тусгаарлагдаж, барилдаанд оролцох, мөн бэлтгэл сургуулилтад хамрагдана.

Тус барилдаан 2021 оны зургаадугаар сарын 12-ны өдрийн Цэцдийн зөвлөлийн хурлаар батлагдсан “Үндэсний бөхийн барилдааны шинэчилсэн дүрэм”-ээр зохион байгуулагдах ба МҮБХ нь өөрийн гишүүд болох бөх, засуул, хөлийн цэцийнхээ нийгмийн асуудалд дэмжлэг үзүүлэх зорилгоор зохион байгуулж байгаа аж.

Улсын Онцгой Комиссоос барилдаан зохион байгуулах зохих заавар, зөвшөөрлийг авснаас гадна телевизийн дөрвөн суваг шууд дамжуулах юм байна.

Зохион байгуулалтын хувьд нэг бөх өдөрт дөрвөн удаа барилдаж, амжилтаас нь хамаарч 1-10 сая төгрөгийн шагнал олгохоор болжээ. Мөн бөхчүүдийг вакцины хоёр тундаа бүрэн хамрагдсан байхыг шаардаж байгаа аж.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Хөвсгөл аймгийн “Шинэ мөрөн” худалдааны төвд гарсан галыг бүрэн унтраажээ

Хөвсгөл аймгийн “Шинэ мөрөн” худалдааны төвд өчигдөр гал гарсан. Гал түймрийн тархалтыг 00:35 цагт з

2025-04-15

“Дашчойлин” хийдийн баруун хойно байрлах Эмийн үйлдвэрийн барилгыг албадан чөлөөллөө

“Дашчойлин” хийдийн баруун хойно байрлах Эмийн үйлдвэрийн барилгыг өнгөрсөн шөнө албадан чөлөөллөө.

2025-04-15

Зам хаасантай холбогдуулан автобусны зарим чиглэлд өөрчлөлт оруулжээ

Мянганы сорилтын сангаас хэрэгжүүлж буй “Хаягдал ус дахин боловсруулах төсөл”-ийн хүрээнд “ДЦС-3”, “

2025-04-11