Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ хийлээ. Сүүлийн 24 цагт коронавирусийн халдвар илрүүлэх зорилгоор 11,555 хүнд шинжилгээ хийхэд 2386 хүнээс халдвар илэрсэн байна.
Монгол улсын хэмжээнд нийт халдварын тоо 80,733 боллоо.
ЭМЯ-ны хэвлэлийн ажилтан Б.Ууганбаяр “Шинээр илэрсэн 2386 тохиолдол бүгд дотоодын халдвар. Улаанбаатар хотод 1675, орон нутагт 711 бүртгэгдлээ.
Өнгөрсөн хоногт бүртгэгдсэн халдваруудын 618 нь 0-17 насны хүүхэд, вакцинд хамгийн идэвх султай хамрагдсан 30-34 насныхан халдвар их авч байна.
Орон нутагт халдварын тохиолдол өндөр хэвээр байна. Тиймээс халдвар хамгааллын дэглэмээ чанд баримтлахыг уриалж байна.
Халдварын улмаас 9,346 хүн эмнэлэгт хэвтэн эмчлүүлж байгаагаас маш хүнд 184 хүн байна. Өнгөрсөн хоногт халдварын улмаас 11 хүн нас барлаа. Нас барсан хүмүүсийн ар гэр, төрөл төрөгсдөд гүн эмгэнэл илэрхийлье” гэлээ.
Ингэснээр Монгол Улсад коронавируст халдварын улмаас нас барсан иргэдийн тоо 380 болж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй