Монгол Улсын гавьяат жүжигчин Л.Дэмидбаатар өвчний улмаас таалал төгсжээ. Тэрбээр Улсын багшийн дээд сургуулийн Кино драмын анги гэж байх үед элсэн орж СУИС байгуулагдсан жил буюу 1992 онд төгссөн байна.
2016 онд Монгол Улсын гавьяат жүжигчин цол хүртсэн тэрбээр тайз дэлгэцийн олон бүтээлд гол болон туслах дүр бүтээсэн бөгөөд УДЭТ-ийн жүжигчин, СУИС-ийн Тайз дэлгэцийн урлагийн сургуулийн найруулагч, жүжигчний уран чадварын тэнхимийн багшаар ажиллаж байсан юм. Мөн “Шилдэг өнгө” хамтлагийн үүсгэн байгуулагчдын нэг билээ.
Жүжигчин Л.Дэмидбаатар энэ хугацаанд тайз, дэлгэцийн 200 гаруй бүтээлд дүрээ мөнхлөн үлдээжээ. Хамгийн сүүлд тэрээр Улсын драмын эрдмийн театрынхаа тайзнаа алдарт “Анна Каренина” жүжгийн Степан Облонскийн дүрд тоглосон билээ.
Талийгаачийн гэр бүл, төрөл төрөгсдөд гүн эмгэнэл илэрхийлье.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй