Ерөнхийлөгчийн сонгуулийн санал хураалт энэ сарын 9 буюу лхагва гарагт болохтой холбогдуулан энэ сарын 8-10 хүртэл гурван хоног архи, согтууруулах ундаа худалдахгүй, түүгээр үйлчлэхийг хориглоно.
Мөн энэ өдрүүдэд урлаг, соёл, спортын ямар нэгэн арга хэмжээ зохион байгуулахыг хориглохоор Ерөнхийлөгчийн сонгуулийн тухай хуульд заажээ.
Хуулийн 67 дугаар зүйлд заасан “Санал авах өдөр хориглох үйл ажиллагаа”-нд:
67.1.Санал авах өдөр дараах үйл ажиллагааг хориглох бөгөөд аймаг, нийслэлийн Засаг дарга холбогдох шийдвэр гарган хяналт тавьж ажиллана.
- 67.1.1.согтууруулах ундаагаар үйлчлэх, худалдах;
- 67.1.2.соёл урлаг, үзвэр, спортын зэрэг олныг хамарсан аливаа арга хэмжээг зохион байгуулах;
- 67.1.3.гадаа болон битүү талбайд үйл ажиллагаа явуулдаг худалдаа, үйлчилгээний төв ажиллах гэж заажээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй