Хятадын авиакомпаниуд 78000 нислэг цуцалж, 13 сая тасалбараа эргүүлэн авчээ

2020-02-19 1044 0

Шинэ төрлийн коронавирүсийн тархалтын улмаас Хятадын агаарын тээврийн гурван компани нэгдүгээр сарын 20-оос хоёрдугаар сарын 13-ны хооронд 78 мянган нислэгээ цуцалж 13 сая тасалбараа эргүүлэн авахад хүрчээ. 

Энэ талаар БНХАУ-ын Төрийн өмчийн удирдлага хяналтын хорооны орлогч дарга Жэнь Хунбинь мягмар гарагт хийсэн хэвлэлийн бага хурлын үеэр мэдэгдсэн байна. Тэрээр “Хятадын агаарын тээврийн компаниуд коронавирүсийн тархалтаас болоод нислэгүүдээ цуцалж зарсан тасалбаруудаа буцаахад хүрч байна. Нэгдүгээр сарын 13-аас энэ хоёрдугаар сарын 13-ны өдөр хүртэл, Цагаан сарын хамгийн их ачаалалтай байж олон хүн зорчдог үеэр 78 мянган нислэгээ цуцалж 13 сая тасалбараа эргүүлэн авсан байна” гэжээ.

Жэнь Хунбэнийхээр бол сая болж өнгөрсөн цагаан сарын үеэр зорчигчдын урсгал өмнөх онтой харьцуулахад бараг хоёр дахин буурсан гэнэ. “Цагаан сарын үе бол агаарын тээврийн хамгийн их орлоготой байдаг алтан үе байдаг ч энэ жил сөрөг нөлөөлөл (коронавирус) тохиолдлоо” гэж тэр хэлсэн байна.

Мөн тэрээр энэ өвчний тархалтаас болоод Хятадын аялал жуулчлалын салбар бас ихэд нэрвэгдэж байгаа гэжээ. Түүнийхээр бол аялагч жуулчдын хамгийн ихээр очдог байгалийн үзэсгэлэнт болон түүх дурсгалын олон газар, зочид буудал, дэлгүүр хаахад хүрч, БНХАУ-ын аялал жуулчлалын хэдэн арван компани ажлаа зогсоожээ.

“Коронавирүсийн тархалт энэ хоёр салбарт нөлөөлсөн уршиг асар их” гэж Жэнь Хунбинь мэдэгджээ.

Эх сурвалж: “Ардчилал таймс” сонин

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Төв цэнгэлдэх хүрээлэн, түүний орчмын 12.8 га газрыг улсын тусгай хэрэгцээнд авлаа

Нийслэлийн Хан-Уул дүүргийн нутаг дэвсгэрт байрлах Төв цэнгэлдэх хүрээлэн, түүний орчмым 12.8 га газ

2024-06-06

Үе үеийн бүх Байгаль орчны сайд нар түүнийг дагасан газрын наймааны бүлэглэлтэй би тэмцэнэ

Нийслэлийн Засаг дарга Х.Нямбаатар сэтгүүлчдэд мэдээлэл өгөхдөө “Улаанбаатар хотыг 2040 он хүртэ

2024-06-05

Монгол Улс хүүхдийн эрхийн индексээр хэддүгээр байрт жагсдаг вэ?

Олон улсын “Хүүхдийн эрхийн сан” ТББ-аас жил бүр улс орнуудын Хүүхдийн эрхийн тухай конвенцоор хүлээ

2024-05-31