МҮОНТ: Тэгш байдал алдагдах учраас нэр дэвшигчдийн халз мэтгэлцээнийг цуцалж байна

2021-06-07 183 0

Дөнгөж сая Ерөнхийлөгчийн сонгуульд нэр дэвшигчдийн халз мэтгэлцээн цуцлагдсан талаар Монголын Үндэсний олон нийтийн радио телевизийн ерөнхий захирал  А.Бүрэнбаатар мэдээллээ.

Тэрбээр “Анх удаа зургаан жилээр сонгож байгаа учраас тайз болон формыг тусгайлан бэлдсэн байсан. Гурван ижил хэмжээтэй гурван өрөө тохижуулсан байсан. Үндсэн өнгөний хувьд нэр дэвшигчдийн намын өнгөнүүдээс өөр буюу номин ногоон өнгийг сонгосон байсан.

60 орчим сая төгрөгийн төсөв гаргаж 150 хүний бүрэлдэхүүнтэйгээр ажилласан.

Улс төрийн бүх хүчнүүд мэтгэлцээнийг зохион байгуулах сонирхолтой байсан. Гэвч Д.Энхбат нэр дэвшигч коронавирусийн халдвар авсан нь батлагдсан. МҮОНРТ бүгдэд тэгш боломж олгох үүднээс бэлтгэлээ маш сайн хангасан байсан. Энхбатыг халдвар хамгааллын дэглэмийг нь сахиулж, студид авч ирэх боломж байгаа эсэхийг тодруулсан.

Хоёр нам ч судалж үзээч гэсэн. Мөн гурвууланг нь эмнэлэгт аваачих гаргалгааг эрэлхийлсэн. Эсвэл Д.Энхбат нэр дэвшигчийг эмнэлгээс нь, хоёр дэвшигчийг тайзан дээрээс яриулах боломжийг судалсан.

Явуулын станцыг явуулж, өрөө тасалгааг тохижуулж шууд дамжуулах албан хүсээлтийг УХТЭ-рүү хүргүүлсэн. УХТЭ-ээс улаан бүс рүү гадны хүнийг оруулах боломжгүй гэсэн хариуг өгсөн. Мөн нэр дэвшигчийг эмнэлгээс гаргах боломж байхгүй, телевизийн ажилтнуудыг нэвтрүүлэх боломжгүй болох хариуг ирүүлсэн.

Цахимаар явуулах нь телевизийн шийдэл, телевизийн контент биш. Улс төрийн халз мэтгэлцээн цахимаар болсон түүх, жишээ байхгүй. Мэтгэлцээн бол нүүр, нүүрээ харж хийдэг зарчим, тэгш байдал алдагдана” гэв.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Б.Жаргалсайхан: Эхнэрээ удаа дараа зодсон Ж.Мөнхбат сар баривчилгаанд явах болзлоо хангасан гэсэн үг

УИХ-ын гишүүн Ж.Мөнхбат эхнэрийнхээ уруулыг сэтэртэл цохиж, машинаасаа түлхэж унагаасан гэх гэр бүл

2021-06-18

С.Энхболд: Маш хурдан хүндэрч эрчимт эмчилгээний тасагт шилжиж байна

Өнгөрсөн хоногт шинээр 2642 халдварын тохиолдол бүртгэгдэж, 11 иргэн коронавируст халдварын хүндрэл

2021-06-17

Засгийн газар наадмыг цахимаар зохион байгуулахыг дэмжлээ

Засгийн газрын ээлжит хуралдаан болж байна. Өнөөдрийн хуралдаанаар баяр наадмыг үзэгчгүй цахима

2021-06-16