Засгийн газрын өргөтгөсөн хуралдааны үеэр Барилга хот, байгуулалтын сайд Б.Мөнхбаатар “Найман хувийн ипотекийн зээлийг зургаан хувь болгож буулгасан. Энэ оны хувьд 271 тэрбум төгрөг ипотекийн зээлд олгогдож, 3944 хүн ипотекийн зээлд хамрагдсан байна. 2020 онд 5644 хүн л авч байсан.
30 хувийн урьдчилгаа төлбөрийн гаргалгааг Сангийн яам, Монголбанк, Зээлийн батлан даалтын сантай хамтран судалж байна.
30 хувийн урьдчилгааны 15 хувийг нь Зээлийн батлан даалтын сангаас гаргадаг болох асуудлыг судалж байна.
100 саяын байр авч байгаа хүн бол 30 саяа төлж, 70 саядаа зээл авч байгаа. Зээлийн батлан даалтын сангаас 15 саяыг нь гаргачихвал иргэд 15 хувь буюу 15 саяа төлөөд байранд орох боломжтой болно. Иргэдийн хувьд 70 хувь дээрээ төлөх дүн нь нэмэгдэж байгаа боловч зээлийн хүртээмжийг нэмэгдүүлж, олон хүн хамрагдах боломжтой болно” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй