Токиогийн олимпын бамбарын буухианд сүмо бөхийн дасгалжуулагч Р.Гантөгс оролцоно

2021-05-18 560 0

Токиогийн олимпын наадмын бамбарын буухиа өнгөрсөн гуравдугаар сарын 25-аас аян замдаа гараад байгаа билээ. 

Хүн төрөлхтний эв нэгдлийн бэлгэдэл, олимпын наадмын бамбарын буухианд Монгол залуу оролцохоор болжээ. 

Японы Тоттори мужийн Тоттори хотын олимпын бамбарын буухианд оролцох сүмо бөхийн дасгалжуулагч Р.Гантөгс нь “Тоттори Жёохокү” ахлах сургуулийн багш бөгөөд Монгол Улсын нэрийн өмнөөс сүмо бөхийн Дэлхийн болон Азийн аваргын тэмцээнд оролцож байсан аж. 

Тэрээр Монголын сонирхогчдын болон мэргэжлийн сүмод ч ихээхэн гавьяа байгуулж байгаа нэгэн. Озэки Тэрүнофүжи, Ичиножёо, Миторюү, Роога гээд түүний олон шавь одоо мэргэжлийн сүмод хүч сорьж байна.

Р.Гантөгс энэ сарын 22-нд 19:00 цагаас Тоттори хотын бамбарын буухианд оролцох бөгөөд тус хотод нийт 40 хүн гүйх юм. Тодруулбал, Тоттори мужаас төрсөн олимп, дэлхийн медальтнууд, Токиогийн олимпод оролцох тамирчид сонгогдож, үлдсэн эрхийг нутгийн иргэдэд сугалаагаар олгожээ.

Олимпын бамбар Японы нийт 47 мужаар аялаад, долоодугаар сарын 23-нд Токиод хүрч, олимпын наадам дуустал Токиод асах аж.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Энэ удаагийн сонгуульд оролцож буй нам, эвслүүдийн УРИА

УИХ-ын 2024 оны сонгуулийн сурталчилгаа өнөөдрөөс эхэлж 16 хоногийн турш үргэлжилнэ. Энэ удаагийн со

2024-06-10

Өнөөдрөөс 21 нам эвслийн 1294, бие даагч 42, нийт 1336 нэр дэвшигчийн өрсөлдөөн эхэллээ

Өнөөдөр УИХ-ын 2024 оны ээлжит сонгуулийн сурталчилгаа албан ёсоор эхэлж байна. Дараах нам эвслү

2024-06-10

Шүүх бүрэлдэхүүн Н.Номтойбаярыг УИХ-ын ээлжит сонгуульд нэр дэвших эрхтэй гэж үзлээ

“Үндэсний эвсэл”-ийн тэргүүн Н.Номтойбаярын Сонгуулийн ерөнхий хороонд холбогдуулан гаргасан нэхэм

2024-06-06