Багахангай дүүрэг дэх Цагдаагийн хэлтсээс тус дүүрэгт орших айлын хашаанаас олдсон байлдааны зориулалттай тэсрэх бөмбөгийг устгаж, аюулгүй болгосон талаар мэдээллээ.
Энэ сарын 2-ны өдөр Багахангай дүүргийн хоёрдугаар хороонд айлын хашаанд байлдааны зориулалтай бөмбөг байна гэх мэдээлэл Цагдаагийн байгууллагад ирсэн аж. Мэдээллийн дагуу тус дүүргийн цагдаагийн хэлтэс бөмбөгийг хамгаалалтад авч, аюулгүй байдлыг хангах арга хэмжээг авчээ.
Тус бөмбөг нь ФАБ-150 загварын байлдааны зориулалттай нисэх онгоцных бөгөөд хөнөөлийн радиус нь нэг километр. Өөрөөр хэлбэл тус 2 дугаар хорооны хэсгийг бүрэн устгах чадвартай гэнэ.
Улмаар өнөөдөр Зэвсэгт хүчний 084 дүгээр ангийн зургаан хүний бүрэлдэхүүнтэй устгалын бүлэг айлын хашаанаас бөмбөгийг тээвэрлэн суурин газраас 5 километр орчим зайд аваачин аюулгүй болгосон байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй