УОК-ын Шуурхай штабын дарга, хурандаа Ц.Ганзориг цаг үеийн асуудлаар мэдээлэл өглөө.
Тэрбээр “Орон нутагт зорчих хөдөлгөөнийг хязгаарласан хэвээр байгаа. Хүн болгон дураараа орон нутагт зорчих боломж байхгүй.
- Хүндэтгэн үзэх шалтгаантай буюу эрүүл мэндийн шалтгаантай, эмнэлгийн тусламж авах
- Буяны ажлаар зорчих
- Орон нутагт байнгын оршин суух хаягтай иргэд орон нутагт зорчиж болно.
Хүсэлтээ холбогдох материалын хамт орон нутгийн онцгой комисст хүргүүлж, зөвшөөрөл авна. Ингэхдээ өвчлөөд эдгэсэн гэх эмнэлгийн магадлагаа эсвэл вакцины бүрэн тунд хамрагдаж 14 хоносон гэх нотлох баримтыг шалгуулж, орон нутагт зорчино.
Орон нутагт байнгын оршин суух хаягтай хүмүүс вакцины хоёр тунд хамрагдаад 14 хоносон нотлох баримтаа үзүүлвэл хотоос гаргана.
Эдгээр иргэдээс ПСР шинжилгээ шаардахгүй. Орон нутгаас Улаанбаатар хот руу ирэхэд мөн адил шаардлага тавигдана.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй