Ц.Нямдорж сайдыг 20 мянган төгрөгөөр торгожээ

2021-04-21 555 0

ЗГХЭГ-ын дарга Ц.Нямдорж замын хөдөлгөөний аюулгүй байдлын дүрэм зөрчиж, аюулгүйн бүсээ зүүлгүй, хуурамч дугаартай автомашинаар хөдөлгөөнд оролцсон тухай бичлэг болон мэдээлэл  өнгөрөгч баасан гарагт нийгмийн сүлжээгээр цацагдсан билээ. Түүний унаж явсан Лексус 570 маркийн автомашинд зүүсэн УБҮ 0052 улсын дугаар нь Тээврийн хэрэгслийн нэгдсэн цахим үйлчилгээний smart.car.mn сайтаас эх сурвалж болгон “Land Cruiser 200” автомашиных болохыг үзүүлсэн.

Гэвч уг мэдээлэл цацагдсанаас хойш гурав хоногийн дараа буюу өчигдөр тус сайтын мэдээллийг өөрчилж, 0052 УБҮ улсын дугаарыг Lexus 570 маркийн машинд олгосон хэмээн мэдээлсэн байдаг. Тэгвэл өнөөдөр ЗГХЭГ-ын дарга Ц.Нямдоржийн унаж явсан машины дугаарын бүртгэл солигдсон буюу андуурагдсан асуудалд Засгийн газрын авто баазад хариуцлага хүлээлгэж, Хан-Уул дүүргийн Цагдаагийн хэлтсийн Замын цагдаагийн тасгаас тус баазад Зөрчлийн тухай хуулийн 500 мянган төгрөгөөр торгосон байна.

Тодруулбал, Зөрчлийн тухай хуулийн 14.7.13-т “Хуурамч улсын бүртгэлийн дугаар бүхий тээврийн хэрэгслээр замын хөдөлгөөнд оролцсон бол гурван сарын хугацаагаар жолоодох эрхийг хасаж хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгоно” гэж заасны дагуу тус байгууллагад торгууль ногдуулсан гэв. 

Харин суудлын бүсээ зүйлгүй хөдөлгөөнд оролцсон Ц.Нямдорж сайдыг 20 мянган төгрөгөөр торгожээ. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Самар түүж явсан найман хүний нэг нь сураггүй алга болжээ

Сэлэнгэ аймаг, Ерөө суманд самар түүж явсан найман хүний нэг нь энэ сарын 9-ний 09:40 цагийн орчимд

2023-11-30

Хятадад дэгдээд буй нянгийн гаралтай уушгины хатгаагаар 0-5 насны хүүхдүүд хүндрэх эрсдэлтэй, хүүхдэд чих үрэвсэх шинж тэмдэг илэрч байна

БНХАУ-д хүүхдүүдийн дунд хүнд хэлбэрийн уушгины хатгаа нэмэгдэж буй талаар ХӨСҮТ-ээс мэдээлэл өгсөн.

2023-11-30

ҮСХ: Монгол Улсын хүн ам 2033 онд дөрвөн сая, 2048 онд таван саяд хүрнэ

Монгол Улсын хүн амын тоо, хэтийн тооцоог Үндэсний Статистикийн Хорооноос гаргажээ. Манай улсын х

2023-11-23