Эрүүл мэндийн яамнаас коронавируст халдварын нөхцөл байдлын талаарх мэдээллийг хүргэлээ. Өнгөрсөн 24 цагт 889 хүнээс коронавирусын халдвар илэрч, 5 хүн энэ өвчний улмаас хорвоог орхисон байна.
Мэдээллийн үеэр “Хөл хориог үргэлжлүүлэх саналыг ЭМЯ-аас албан ёсоор гаргасан уу” гэх сэтгүүлчийн асуултад Эрүүл мэндийн яамны газрын дарга Л.Энхсайхан “ЭМЯ хатуу хөл хориог үргэлжлүүлэх бодлого барьж байна. Халдварын тохиолдлын тоо буурахгүй байна, тохиолдлын тоо нэмэгдэх тусам нас баралт нэмэгдэж байна.
Иргэдийн зүгээс ЭМЯ-ны фэйсбүүк хаяг рүү “Хатуу хөл хорионы чанарыг сайжруулах, хүмүүс гадуур их явж байна. Энэ нь халдвар тараах эрсдэлийг нэмэгдүүлж байна” зэрэг саналыг өгсөөр байна. Бид иргэдийн саналыг анхаарч үзэх ёстой” гэсэн хариултыг өгсөн юм.
Өнгөрсөн 24 цагт бүртгэгдсэн 889 тохиолдлыг задалж үзвэл:
- Нийслэлд 767, эрүүл мэндийн ажилтан- 4,
- Архангай – 5,
- Баян-Өлгий-1,
- Булган-1,
- Дархан-Уул – 16,
- Дундговь-1,
- Завхан-2,
- Орхон-26,
- Өвөрхангай-4,
- Сэлэнгэ-4,
- Төв-29,
- Увс-5,
- Ховд-18 тохиолдол тус тус илэрчээ.
Нийт нас баралтын тоо 49 болоод байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй