Нийслэлийн Захиргааны хэргийн анхан шатны шүүхийн байранд коронавируст халдварын тохиолдол гарчээ.
Иймд тус шүүхийн Тамгын газраас мэдэгдэл гаргажээ. УОК-ын Шуурхай штабаас ирүүлсэн зөвлөмжийн дагуу Захиргааны хэргийн анхан шатны шүүхийн шүүгч, Тамгын газрын ажилтан, албан хаагчдыг шинжилгээнд хамруулах, биеийн байдлыг тандах болон ариутгал халдваргүйжүүлэлт хийх шаардлагатай болсноор дөрөвдүгээр сарын 5-8-ны хооронд шүүхийн үйл ажиллагааг түр зогсоож, шүүхийн байранд хөдөлгөөн нэвтрүүлэхгүй байхаар болсон байна.
Мөн дөрөвдүгээр сарын 8-аас хойш 16 хоногийн хугацаанд албан хаагчдыг 30 хүртэлх хувиар ажлын байранд нь ажиллуулж, цахимаар ажлаа гүйцэтгэхээр болжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй