Замын-Үүд боомт дээр 02.11-ний өдрийн 20:00 цагийн орчимд Хөх хот-Улаанбаатар чиглэлийн галт тэргээр зорчиж явсан нэг иргэнийг халдварт өвчний сэжигтэй байж болзошгүй гэж үзэн тусгаарлажээ. Зорчигч 37.4 хэмийн халуунтай байсан ба БНХАУ-ын Сэчуан мужид 14 хоног туршлага судлаад буцаж явжээ. Уг тохиолдол Хилийн мэргэжлийн хяналтын албаны хяналтаар илэрсэн ба холбогдох байгууллагууд яаралтай арга хэмжээ авч түр тусгаарлаад байна.
Дорноговь аймгийн Мэргэжлийн хяналтын газраас Замын-Үүд боомтод хүч нэмэгдүүлэн ажиллаж байгаа бөгөөд тус галт тэргээр зорчиж явсан зорчигч, төмөр замын ажилтан нийт 105 хүнийг галт тэргэнд нь түр тусгаарлан, хамгаалалтад аваад байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй